ಹೂವು

ಯಾರಿಗೂ ಕಾಣದ
ನಡು ಕಾಡಲಿ
ಅರಳಿದೆ ಹೂವೊಂದು
ಏನೆಂದು
ಹೆಸರಿಡಲಿ
ನಾ ಇಂದು....

ಎಲ್ಲರನು ಕೈ ಬಿಸಿ ಕರೆಯುತಿದೆ
ನೋಡುವವರು ಯಾರಿಲ್ಲವೇ
ಆದರೂ ಆ ಸೌಂದರ್ಯಕೆ
ಸರಿಯಾಟಿ ಯಾವುದಿಲ್ಲ ಅಲ್ಲವೇ
ಆ ಹೂವಿನ ಚೆಲುವ ವರ್ಣಿಸಲು
ಪದಗಳು ಸಾಲದೆ
ನೋಡುತ ನೋಡುತ ಈ ನಯನ
ತನ್ನ ನೋಟದಲ್ಲೇ ಸೆರೆ ಹಿಡಿದಿದೆ.
ತನ್ನ ಸೌಂದರ್ಯ
ಬಚ್ಚಿಡದೇ ಬಿಚ್ಚಿಟ್ಟಿದೆ
ಆದರೆ ನೋಡುವವರು
ಯಾರಿಲ್ಲದೇ
ತನ್ನಷ್ಟಕೆ ತಾನೇ
ಬಾಡುತ ಹೋಗಿದೆ..
ಜೀವನ ಕ್ಷಣಿಕ ಆದರೂ
ಹಿತಗೊಳಿಸಿದೆ..
ಅಚ್ಚಳಿಯದೆ ಮನದಲಿ
ಸದಾ ಉಳಿದಿದೆ...
ಚೆಲುವು ಎಂದರೆ ಏನು
ಅರ್ಥ ಇದೇ ಆಗಿದೆ

" ತಪ್ಪು"

" ತಪ್ಪು"

ತಪ್ಪು ಮಾಡೋದು ಸಹಜ ಕಣೊ
ತಿದ್ದಿ ನಡೆಯೋದು ಮನುಜ ಕಣೊ
ತಪ್ಪು ಮಾಡದೇ ಜೀವನ ನಡೆಯಲ್ಲ
ತಪ್ಪು ಮಾಡಿದಾಗ ತಿದ್ದಿ ನಡೆಯೋದು ಉತ್ತಮ ಜನರ ಲಕ್ಷಣ..
ತಪ್ಪು ಮಾಡಿ ಸುಮ್ಮನಿದ್ದು ಮತ್ತೆ ಪದೇ ಪದೇ ತಪ್ಪು ಮಾಡುವವರು ಉತ್ತಮ ಜನರಲ್ಲ...
ಮೊನ್ನೆ ತಪ್ಪು ಮಾಡಿದ್ದನ್ನು ನಿನ್ನೆ ತಿದ್ದಿಕೊಂಡೆವು..
ನಿನ್ನೆ ತಪ್ಪು ಮಾಡಿದ್ದನ್ನು ಇಂದು ತಿದ್ದು ಕೊಂಡೆವು...
ಇಂದು ತಪ್ಪು ಮಾಡಿದ್ದನ್ನು ನಾಳೆ ತಿದ್ದುಕೊಳ್ಳುತ್ತೇವೆ...
ಹೀಗೆ ತಪ್ಪು ಮಾಡುತ್ತಾ ತಿದ್ದುಕೊಳ್ಳುತ್ತಾ ಹೋಗುತ್ತೇವೆ...
ಜೀವನವಿಡಿ ಹೀಗೆ ಆದರೆ ಆ ಜೀವನಕ್ಕೆ ಅರ್ಥ ಇದೆಯಾ?

ಪ್ರೀತಿ

ನೀವು ಬೇರೆಯವರನ್ನು ಪ್ರೀತಿಸುವ ಮೊದಲು ನಿಮ್ಮನ್ನು ನೀವು ಪ್ರೀತಿಸಿ....
ನಂತರ ನಿಮಗೆ ಇಷ್ಟವಾಗುವವರನ್ನು ಪ್ರೀತಿಸಿ...ನಿಮಗೆ ಇಷ್ಟವಾಗುವವರು ಸಿಗದಿದ್ದರೆ ನಿಮ್ಮನ್ನು ಇಷ್ಟಪಡುವವರನ್ನು ಪ್ರೀತಿಸಿ...ನಂತರ ಜಗತ್ತನ್ನು ಪ್ರೀತಿಸಿ...ನಂತರ ಇಡೀ ಜಗತ್ತೇ ನಿಮ್ಮನ್ನು ಪ್ರೀತಿಸುತ್ತದೆ...
ಆಗ ನಿಮ್ಮಷ್ಟು ಸುಖಿ ಈ ಜಗತ್ತಿನಲ್ಲಿ ಬೇರೋಬ್ಬರು ಇರುವುದಿಲ್ಲ
. ವಸಂತ ನಾಯ್ಕ

"ಕೊಟ್ಟಿಗೆ"

ಈ ಜಗತ್ತೇ ಆಧುನಿಕತೆಯಲ್ಲಿ ಮುಳುಗಿರುವಾಗ ನಮ್ಮ ಸಮಾಜದಲ್ಲಿ ಅಲ್ಲಲ್ಲಿ ದನಕರು ವಾಸಿಸುವ ಕೊಟ್ಟಿಗೆ ಈಗಲೂ ಕಾಣಸಿಗುತ್ತದೆ.
ಎಲ್ರೂ ತಮ್ಮ ತಮ್ಮ ಅಭಿರುಚಿಗೆ ತಕ್ಕ ಹಾಗೇ ಅನೇಕ ಸುಂದರ ಕವನಗಳನ್ನು ರಚಿಸಿದ್ದಾರೆ.ಆದರೆ ನಾನು ಖಾಲಿ ಇದ್ದಾಗ ನನಗೆ ಅನಿಸಿದ್ದನ್ನು ಇದ್ದದ್ದನ್ನು ಇದ್ದ ಹಾಗೆ ಸುಮ್ಮನೆ ಗೀಚಿದ್ದೇನೆ.
ಈ ಕೊಟ್ಟಿಗೆ,ದನಕರು,ಹಸಿ,ಹುಲ್ಲು,ಹಿಂಡಿ,ತೆಳಿ,ದರಕು,ಸೊಪ್ಪು,ಆಕಚ,ಗೊಬ್ಬರ...ಇವೆಲ್ಲಾ ನಿಮಗೆ ಗೊತ್ತಾ?

"ಕೊಟ್ಟಿಗೆ"

ಮೇಲೆರಡು ಜಂತಿ ಕಟ್ಟಿಗೆ
ಆ ಕಡೆ ಗೋಡೆ ಇಟ್ಟಿಗೆ,
ದನಕರುಗಳಿವೆ ಒಟ್ಟಿಗೆ
ಇವೇ ನಮ್ಮ ಕೊಟ್ಟಿಗೆ.

ದಿನವೂ ಹಾಕಿದರೆ
ಸೊಪ್ಪು ದರಕು,
ಸುಂದರ ಆಗ್ತವೆ
ದನಕರುಗಳ ಬದುಕು.

ದಿನಾ ಬೇಕು ಅವಕೆ
ಹುಲ್ಲು ಹಸಿ ಹಿಂಡಿ,
ಅವೇ ತಾನೇ
ದನಕರುಗಳ ತಿಂಡಿ.

ವಾರಕ್ಕೊಮ್ಮೆ ತೆಗಿಬೇಕು
ತ್ಯಾಜ್ಯ ಗೊಬ್ಬರ,
ಆಗ ಮಾತ್ರ ನೆಮ್ಮದಿಯಾಗಿ
ಮಲಗ್ತವೆ ದನಕರ.

ತೋಟಕೆ ಉಪಯೋಗ
ಈ ಗೊಬ್ಬರ,
ಆಗ ನಮ್ಮಿ ಬೆಳೆ
ಬದುಕು ಸುಂದರ.

ಪ್ಯಾಕೆಟ್,ಪೌಡರ್
ಹಾಲಿಗಿಂತ ಎಷ್ಟೋ ಮೇಲು,
ನಾವ್ ಬಳಸೋ
ಗೋವಿನ ಹಾಲು.

ಪೂಜಿಸಿ ನೀವು ಯಾವಾಗಲೂ
ಈ ಗೋಮಾತೆಯನ್ನು,
ಕೊಡುತ್ತೆ ನಿಮಗೆ
ಸದಾ ನಲಿವನ್ನು...

ವಸಂತ ನಾಯ್ಕ...{ನನ್ನ ಭಾಷೆಲಿ ಬರೆದದ್ದು....ಅರ್ಥ ಆಗದೆ ಇದ್ರೆ ಕೇಳಿ}

ಉತ್ತರ ಕನ್ನಡ "

ಉತ್ತರ ಕನ್ನಡ "

ನಾ ಇರುವುದು
ಉತ್ತರ ಕನ್ನಡದಲ್ಲಿ
ಅದಕೆ ಯಾವಾಗಲೂ ನನ್ನ
ಉತ್ತರ-ಕನ್ನಡದಲ್ಲಿ.....

ಹೆಮ್ಮೆಯಿಂದ ಹೇಳುವಾ ನಾಮಧಾರಿಯೆಂದು

ಹೆಮ್ಮೆಯಿಂದ ಹೇಳುವಾ ನಾಮಧಾರಿಯೆಂದು

ಜನರ ಏಳಿಗೆಗೆ ಸ್ಪಂದಿಸೋ
ನಾವು ನಡೆದದ್ದೇ ದಾರಿ
ಕಿಂಚಿತ್ತೂ ಸ್ವಾರ್ಥ ಇಲ್ಲದ
ನಾವ್ ಮಾಡಿದ್ದೇ ಸರಿ

ಪ್ರಚಾರ ಬಯಸದ ನಾವು
ಅಲ್ಲವೇ ಅಲ್ಲ ಅಹಂಕಾರಿ
ಕಷ್ಟ ಸುಖಕ್ಕೆ ಸ್ಪಂದಿಸೋ
ನಾವು ಆಗುವೆವು ಉದಾರಿ

ತೋರಿಸುವೆವು ಪ್ರತಿಯೊಬ್ಬರಿಗೂ ಉತ್ತಮ ದಾರಿ.
ಎಲ್ಲರಿಗೂ ನಾವು
ಸದಾ ಆಭಾರಿ
ಎಷ್ಟೇ ಅಂದರೂ ನಾವಲ್ಲವೇ
ಹೆಮ್ಮೆಯ ನಾಮಧಾರಿ